У кожнага з нас ёсць рэчы, адносна якіх мы можам сказаць “нам не ўсё роўна”. Для кагосьці гэта дзеці, кар’ера, заробак, курс даляра, кошты на прадукты… Для кагосьці – зневажанне правоў чалавека, выкананне несправядлівых прысудаў, узровень і якасць адукацыі, лёс нацыі, будучыня краіны… Гэтае “не ўсё роўна” вызначае нашыя паводзіны адносна праблемаў, якія мы выдзяляем як прыярытэтныя. І тое, якім чынам мы вырашаем гэтыя праблемы, паказвае, наколькі беларусаў можна назваць грамадзянскай супольнасцю і еўрапейскай нацыяй.
27 красавіка ў цыкле публічных лекцый “UrbietOrbi” чалавек, якому “не ўсё роўна”, што адбываецца з краінай зараз і якая будучыня чакае Беларусь, — грамадскі дзеяч, старшыня міжнароднага кансорцыума “ЕўраБеларусь” Улад Вялічка заклікае нас да асэнсавання феноменаў “грамадзянская супольнасць” і “еўрапеізацыя” у кантэксце беларускіх рэалій. Больше >>
Публічныя лекцыі цыклу “Urbi et Orbi” арганізуюць прастору і час такім чынам, каб даць мажлівасць лектару звярнуцца да інтэлектуальнай супольнасці і ўсіх зацікаўленых беларусаў з тым, што ён лічыць важным і актуальным у культуры і грамадскім жыцці Беларусі.
Відэазапіс публічнай лекцыідоктара філасофіі і адзінага ў Беларусі свецкага доктар сакральнай тэалогіі Ірыны Дубянецкай, якая адбылася 23 сакавіка ў Галерэі Ў.
Ролю Бібліі ў развіцці еўрапейскіх культур немагчыма перабольшыць. Біблейскія вобразы і сюжэты былі асноваю для безлічы мастацкіх, філасофскіх і літаратурных твораў ад ранняга Сярэднявечча, калі Еўропа пачала яднацца вакол Хрысціянства, і да нашых дзён. Як базавы тэкст Хрысціянства, Біблія сталася асноўным аб’яднаўчым тэкстам еўрапейскае цывілізацыі. Больше >>
“Жыло-было слова такое: modus. Значыла яно: «спосаб», «мера», «рытм». Часам Чалавечая Думка выкарыстоўвала яго ў форме modo, і тады звязвалася яно са значэннем «цяпер», «зараз жа», што, было пэўнай нечаканасцю для гэтага слова. З цягам часу загадана было слову стаць modernus, што бянтэжыла яго, але яшчэ не пагражала ягонай тоеснасці. Захаваць тоеснасць, хоць і з горам папалам, удалося і наступным разам, калі Чалавечая Думка перарабіла яго ў modernismus. Аднак, калі неўзабаве было запатрабавана ад слова стацца postmodernismus, пачаўся сур’ёзны і драматычны крызіс ягонай тоеснасці…
Але на гэтым не скончыліся ўсе выпрабаванні нашага слова. Амаль увадначас з’явілася запатрабаванне на новую ідэю, і слова было перароблена на afterpostmodernism. Трэба чакаць, што неўзабаве Чалавечая Думка, не задумваючыся, выдасць новы дэкрэт: патрэбны antiafterpostmodernism!” Больше >>
Кіно — сон з адкрытымі вачыма. Сон — персаніфікаваны міф. Беларускі кінематограф — гэта проста міф, сон з зачыненымі вачыма ў зале для праекцый чужых малюнкаў.
24 лютага ў межах цыклу публічных лекцый «UrbietOrbi» стваральнік нашумелага фільма «Акупацыя. Містэрыі «, які зняў на«Беларусьфільме»першы беларускі«бульба-хорар»-«Масакру», рэжысёр Андрэй Кудзіненка распавядае«Міф пра беларускіае кіно». Пачынаючы з назвы і эпіграфа, уся гэтая лекцыя — правакацыя, сэнс якой у тым, каб задумацца і паразважаць: ці існуе наогул такі феномен — «беларускае кіно»? Што такое «беларуская тэма», «беларускі міф»? Ці можна суму некаторых кінастужак, рэжысёраў, акцёраў і крытыкаў, якія існуюць асобна, у адсутнасці адзінага працэсу, руху, назваць цэласнай з’явай — «беларускім кінематографам»? Больше >>
Відэазапіс публічнай лекцыі вядомага архітэктара, культуролага, аглядальніка часопіса «Архітэктура і будаўніцтва», прафесара Ігара Марозава, якая адбылася 10 лютага, у 18.30 у «Арт Сядзібе».
Відэазапіс 
